Pages

Wednesday, August 15, 2012

கோளாறான எண்ணங்கள் -4



இப்ப பிரச்சினை இதை எல்லாம் வாங்கிகிட்ட நாங்க இந்த பாபங்களை எங்கே கொண்டு தொலைக்கிறது? :-)
 ---
அது எப்படியோ தொலையட்டும்!

நம் செயல்கள் எல்லாமே பாபம் இல்லாம இருக்கான்னு யோசிச்சா இல்லைன்னே தோணும். பெரும்பாலான செயல்கள் பாபம் புண்ணியம் கலந்ததாவே இருக்கும். குழந்தைக்கு வலிக்குமே, நோய் வருமேன்னு கொசுவை கொல்லப்போனா அதுவும் பாபமாகிறது. நடந்தால் கொண்டால் எத்தனையோ ஜீவ ராசிகள் மிதி பட்டு செத்துப்போகின்றன. காலம் கெட்டு மழை பெய்யறதே ஒரு வென்னீர் வெச்சு குடிக்கலாம்ன்னு பாத்தா அடுப்பு ஏத்தினதிலேயும் தண்ணீரை கொதிக்க வெச்சதிலேயும் சிலது செத்துப்போச்சு. சரி ஒண்ணுமே செய்யாம இருப்போம்ன்னாலும் நாம் எடுக்கிற மூச்சிலே சில ஜீவராசிகள் உள்ளே போய் செத்துப்போகுது. மூச்சு விடாமலே இருக்க முடியுமா என்ன?

ஜைனர்களின் அடிப்படை கொள்கை ஜீவ காருண்யமா இருக்கிறதாலே அவங்க நிறைய விஷயம் பாலோ பண்ணறாங்க. ஜைன துறவிகள் வாய் மூடி போட்டுக்கிறாங்க. (முகமூடின்னு எழுதப்போனேன், அது சரிதான்னாலும் கொஞ்சம் குழப்புமோன்னு…) நடக்கும் போது முன்னாலே பெருக்கிக்கிட்டே போவாங்க. தண்ணீரை துணியாலே பில்டர் செய்வாங்க.

என்ன செய்தாலும்  நம்மால சில உயிர்கள் போவதை தடுக்க முடியாது.

உம். ஆனால் இதுக்காக ரொம்ப கவலைப்பட வேண்டாம். அஹிம்சை என்கிறது சன்னியாசிகளுக்குத்தான் பரம தர்மம். குடும்ப பாரம் சுமக்கிறவங்களுக்கு இல்லே. அவங்களால இதை முழுக்க கடைப்பிடிக்க முடியாதுன்னு தெரிஞ்சே சாத்திரங்கள் தினசரி நடவடிக்கையாவே சில ப்ராயச்சித்தங்களை வெச்சு இருக்கு. வைச்வதேவம் என்கிற அந்த ப்ராயச்சித்தங்களை இன்னிக்கு தினசரி செய்கிறவங்களையும் காணோம்!

இப்படியாக நம் வாழ்கை முறைகள் மாறினதிலே புண்ணியங்கள் செய்வதிலிருந்து வெகு தூரம் விலகிவிட்டோம். பாபங்களை பெருக்கிக்கொண்டுவிட்டோம்.  என்னதான் செய்யலாம்? இது சம்பந்தமான கோளாறான எண்ணங்களை நீங்களும்தான் பகிர்ந்து கொள்ளுங்களேன்!

அடுத்த பதிவில் மீண்டும் சந்திப்போம்!

 
Post a Comment